Un lugar para aprender e coñecer

lunes, 16 de diciembre de 2019

A bordo dunha nao

Ola rapazolos e rapazolas!

A estas alturas, xa todos sabedes o tema que imos traballar no cole no noso Proxecto Documental Integrado deste curso....

o 500 aniversario da 1ª volta ao mundo!


E dentro deste proxecto, nós imos facer un traballo de investigación sobre as embarcacións nas que estes intrépidos navegantes se botaron ao mar.... as naos.



Para poder atopar información que vos axude a elaborar a vosa parte do traballo, déixovos aquí esta dirección...


Non a perdades de vista, mergulládevos ben nela e aprendede moito sobre esta grandísima fazaña que tivo lugar fai 5 séculos.






jueves, 10 de octubre de 2019

Comezando o curso...rumbo a Europa

 Ola, rapazolos e rapazolas!

Neste novo curso comezamos con forza e fixamos a vista máis aló das nosas fronteiras.... viaxamos ó noso xeito ata Europa, para coñecer o seu relevo, os mares que bañan as súas costas e algúns dos seus ríos.
Para que poidades practicar o que imos aprendendo, dun xeito máis entretido, déixovos aquí uns enlaces a xogos interactivos para que vos poñades a proba.... A pasalo ben!











miércoles, 29 de mayo de 2019

Leo fala de.... Alice Guy

Rematamos este mes de maio coa presentación que Leo nos fixo de Alice Guy Blaché...

Imagen relacionada

Certo é que foron dous homes, os irmáns Lumière, os que patentaron o cinematógrafo e os que proxectaron, por primeira vez na historia, unha película.
 E durante décadas apareceu o nome doutro home, Georges Méliès,como o director do primeiro filme de ficción. 
Pero a persoa visionaria que entendeu as inmensas posibilidades do cine para contar historias foi unha muller,Alice Guy, aínda que o seu nome foi inxustamente esquecido só por unha razón: a de ser muller.

E, sen máis, aquí tedes a Leo contándonos o que sobre ela descubriu no noso libro "Las chicas son guerreras".


martes, 14 de mayo de 2019

Iago de Andrés fala de.... Frida Kahlo

E máis concretamente, de Magdalena Carmen Frida Kahlo Calderón, pois este era o nome completo desta pintora mexicana.

Resultado de imagen de frida

Aínda que a súa vida estivo marcada polas enfermidades e as contrariedades, tanto físicas como anímicas, Frida soupo aproveitala ao máximo, facendo sempre o que sentía, e sempre facéndoo con moita intensidade.
Así nolo conta Iago.


lunes, 6 de mayo de 2019

Isaac fala de.... Virginia Woolf

Este primeiro luns de maio foi a ocasión perfecta para que Isaac nos falase da muller que elixiu para a súa exposición...
Resultado de imagen de virginia woolf

...Virginia Woolf, escritora británica e unha das grandes renovadoras da novela moderna.

Pero, ademais, foi pioneira en plasmar nas súas obras reflexións sobre a condición da muller, a indentidade feminina e as relacións da muller coa arte e a literatura. A súa obra "Una habitación propia" tivo unha grande influencia no movemento feminista.

Así salientou Isaac algúns dos seus rasgos máis característicos.

Coral fala de... Hipatia de Alejandría

A semana pasada foi Coral a que nos contou cousas interesantes sobre Hipatia de Alejandría...
Resultado de imagen de hipatia de alejandria
.....unha das primeiras mulleres científicas de quen temos referencia.

Sócrates Escolástico, un historiador grego do século V, escribiu:

"Había unha muller en Alejandría que se chamaba Hypatia, filla do filósofo Teón, que logrou tales alcances en literatura e ciencia, que sobrepasou en moito a todos os filósofos do seu propio tempo".

E aquí queda o que Coral quixo compartir con todos nós sobre esta inigualable muller.


sábado, 27 de abril de 2019

É a quenda das provincias....

Ola rapazolas e rapazolos!
Lembrades que o curso pasado estudamos as Comunidades Autónomas de España? Algúns de vós aprendéstelas moi ben practicando cos xogos interactivos que vos deixei daquela neste blog.
Pois agora chegou o momento de ir un pasiño máis adiante e traballar coas provincias que conforman cada unha desas comunidades autónomas. E como a través de xogo é un dos mellores xeitos de aprender, tamén nesta ocasión vos deixo uns enlaces que están á nosa disposición na Internet para poder practicar cantas veces queirades.