Celebrando o SAMAÍN

O día 31 de outubro tiñamos preparada para os rapazolos e rapazolas de 3º e 4º de primaria unha visita ao Museo Liste, onde os esperaban para celebrar o Samaín.
Aprenderon cousas novas desta festa e descubriron seres máxicos e lendas, tanto de Galicia coma de outras terras.
Disfrutaron xuntos confeccionando un “terrorífico doceiro” e buscando polas salas do museo as pistas  necesarias para saber onde se agochaba a fada. Despois, o momento máxico de pronunciar o conxuro que había de liberala e volverlle a liberdade.
E nada coma un doce na boca a cambio do “truco ou trato” para porlle punto final a esta visita.